[ Indice ]
EL VEZU TABÁQUICU
Tol mundiu conoz, amás de tare mui demostráu.la intima rrellación del tabacu cunos principais problemas de salú (cancru ia enfermedaes cardiovasculares) ia la sua capacidá de camudare esi vezu al traviés d’ intervenciones mediu-ambientalles ia sanitarias. Ye pur eillu que’ l ministeriu de Sanidá y consumu afirma que’ l tabaquismu ye la primer cusa de morbi-mortalidá evitable nos países industrializaos.
A difrencia d’ outras enfermedaes que desenrollanunse dende países probes fasta países ricos el tabaquismu constiúi neste momentu el breiru andanciu d’ esta sociedá desendegeyada. Sicasí las tendencias estatales tán faciendu cimeiros esfuerzos p’ algamare ciertu grau de control d’ esti problema de salú.
El consumu de tabacu xenera alrodiu de dous milliones de muertes cada añu nos paises desenrollaos ( suponiendu’ l 23/% del total). Si las tendencias autuales en rellación al sou consumu siguen nesti sen esstímase que pal añu 2025 sedrán diez millones de presonas las que morrerán pur añu pula sua farda. Dientru de la comunidá Europea, l’ estáu español presentaba xuntu a griegos, el maior indiz de consumu ente los homes, siendu ente las muieres muitu menor la prevalencia ia máis equiparada ente los estaos miembros europeos.
Un que cinca a la evolución del vezu tabáquicu, observóuse un cambéu significativu nos xeitos de consumu, de mou que si bien tamos asistiendu a una disminución del consumu ente homes, apaez una maior incorparación de la muier. La maior susceutibilidá de la muier a los axentes carcinóxénicos del tabacu, de caltenese esta tendencia, tenerá importantes repercusiones sanitarias a mediu ia llargu prazu na mortálidá pur cancru, enfermedaes cardiovaculares ia respiratorias nas muieres.
La OMS nas suas recomendacioes ye firme: debe ponese bien de programas de disminución del tabaquismu qu’ intregen aiciones educativas, llexislativas y asitenciales. La oficina rexonal europea fala de qu’ una redución nel consumu de tabacu ye la mais importante midida de salú ia economía. Del mesmu mou alcordóuse mediante resolución . “ La estratexa europea pal control del tabaquismu” qu’ establez un marcu referencial pal sou control. Aconseyare deixare de fumare ye una práutica abondu reconocida pula sua efeutividá. Inclusu dalgunos autores citan cúmu un curtiu conseyu pur un profesional de la salú entrenáu supón q’ un cincu pur cientu de los aconseyaos fina nel vezu ia se caltién astinente al añu del conseyu.
Outru fautor p’ alcordase ia nun escaecere son los efeutos positius que puede tenere l’ abandonu del hábitu, tantu en salú cumu en cuarto, éstu ye nos nuesos bolsiellos. Los datos de los estudios prospeutivos realizaos en deillos países amuesan que los fumaores de cigarrines tienen un 70 % d? Escesu de mortalidá frente a los non fumaores. Mais de la mitá d’ esas muertes asoceden ente los 35 y 69 años d’ edá, amosandu un promediu de 23 años de vida.
Fumare ye la acusa aisllada mais importante de muerte prematura nos países desenrollaos; peru dalgunos autores, ente eilos l’ importante lasu de tiempu (30-40 años) ente’ l picu de la precalencia de tabaquismu nun país y el susiguiente picu de mortalidá rellacionada cul tabacu, dificultan la concienciación del pueblu sobru la trascendencia de deixar este vezu. Asina’ l consumu de tabacu exendra una pérdida enorme d’ años potenciais de vida, amás d’ invalideces, prexubilaciones, hespitalizaciones y autos sanitariios de tou seitu; la traducción d’ estos costes sanitarios en costes sociales equival a unos tres millones de’ euros pur añu. Nesti sentíu’ l Bancu Mundial evaluó los gastos direutos ia indireutos de las muertes prematuras ia de la morbilidá pula mor del tabaquismu, estimandu qu’un aumentu nel consumu de tabacu representa 2,6 millones d’ euros de beneficios ia 29,8 millones de costes.
¿COMU DEIXAR DE FUMARE?
Lu primeiru de tou ye afitare una data pa dixare de fumaredientru de las dúas ou tres selmanas sigientes. Ta recomendáu que’ l día siñaláu seya ún que vusté nun tuviese baixu estrés nin compromisos. Un momentu mui guapu sedría l’ ainiciu de vacancias ou una fin de selmana ensín muitu trabayu. Faiga un alcuerdu cun dalgún familiar ou collaciu ia puedes apostáte daqué. Encamiéntase facer una llista cunos motivos pa deixare el vezu. Lu meyor de tou sedría nun entamare el sou consumo yá que non val la pena. Al entamu la xente creye qu’ ameyora las suas rellaciones sociales , yá que fai sentite importante, peru la rïalidá ye que manca la tua salú y creya una dependencia mui fuerte que nun compensa. Deixar el tabacu ye difícil pero non imposible. Deixalu gradualmente nun suel dare bonos resultaos. Milenta mil presonas en toda Europa algamánunlu y tu puedes facelu si te lu propones. Cuestionariu de dependencia a la nicotina.
|
(Test de Fagerstrom) |
|||
|
1.- |
¿Cuantu tiempu va dende que se llevanta y fuma el primer pitu? |
||
|
|
* |
De 31 a 60 minutos |
(3 puntos) |
|
|
* |
Mais de 60 minutos |
(2 puntos) |
|
|
* |
Fasta 5 minutos |
(1 puntu) |
|
|
* |
De 6 a 30 minutos |
(0 puntos) |
|
2.- |
¿Alcuentra difícil nun fumare’ n llugares onde ta prohibíu? |
||
|
|
* |
Sí |
|
|
|
* |
Non |
|
|
3.- |
¿Qué pitu-y presta mis fumare? |
||
|
|
* |
El primeiru de la montaña |
(1 puntu) |
|
|
* |
Cualisquier outru |
(0 puntos) |
|
4.- |
¿Cuántos pitos fuma al día? |
||
|
|
* |
Menos de 10 |
(0 puntos) |
|
|
* |
Ente 11 y 20 |
(1 puntu) |
|
|
* |
Ente 21 y 30 |
(2 puntos) |
|
|
* |
Mais de 30 |
(3 puntos) |
|
5.- |
¿Fuma mais durante las primeiras horas dispues de llevantase o un restu’ l día? |
||
|
|
* |
Si |
(1 puntu) |
|
|
* |
Non |
(0 puntos) |
|
6.- |
|
||
|
|
* |
Si |
(1 puntu) |
|
|
* |
Non |
(0 puntos) |
|
Resultaos del test: |
|
|
De 0 a 1 puntu: |
Dependencia mui baixa |
|
De 2 a 3 puntos: |
Dependencia baixa |
|
De 4 a 5 puntos: |
Dependencia moderada |
|
De 6 a 7 puntos: |
Dependencia alta |
|
De 8 a 10 puntos: |
Dependencia mui alta |
|
Conseyos enantes de deixalu: |
|
|
* |
Ponere’ l tabacu en sitios non avezaos. |
|
* |
Nun mercare tabacu fasta finare l’ultimu paquete. |
|
* |
Reducir el consumu diariu: dous ou tres pitos menos cada dousdías y nun mercare dúas caxetinas xuntas y camudare pur marcas que nun-y presten. |
|
* |
Dende que’ apaez la primer necesidá de fumare fasta que fume’ l primer pitu aspere on ou dous minutos y faiga tres ou cuatru respiraciones profundas y piense si rïalmente lu requier |
|
* |
Burlle tragare’ l fumu, calténgalu na boca, pa que nun arribe a los sous pulmones. |
|
* |
Retire’ l pitu de la boca ente calada y calada y cueya´l pitu cuna manu contraria. |
|
* |
Nun fumare xustu darréu de xantare, aproveite pa llimpiase’ l dentame, bebere muita augua y asperare cincu minutos pa fumare. |
|
¿Comu aguantare los primeiros días? |
|
|
* |
Aproveitare’ l momentu pa camudare la sua alimentación. Nun beba café ou alcohol. Tenga siempres daqué nas manos ou dalgu que mascar ou picare. Evite alimentos qu’ estimulen el fumare. |
|
* |
Ye’ l momentu pa frayare cunos vieyos vezos. Pula mañana fine la ducha cun augua fría. Dispués de xantare salga a paseyare. Nun cueya’ l coche si puede dire andandu. Prautique deportes cun regularidá. Faiga manualidaes que caltengan las suas manos ocupadas. Chene’ l tiempu d’ ociu cun actividaes relaxantes. |
|
* |
Si inda tien ganas d’ eichare una pit. Reláxese: faiga exercicios de respiración. Dése una ducha relaxante. Faiga un repasu mental de los motivos que-y llevan a deixar de fumare. Piense nos beneficios dispués de deixalu. Aumente la inxesta de llíquidos. Puede solicitar ayuda al enfermeiru o médicu del centru de salú. |
Deixar de fumare sedrá cun difrencia la meyor decisión na estaya de salú que tomará na sua vida. Pur ésu yedeseyable algamar una sociedá na que los fumos nun tean presentes na vida cotidiana, na que tolas presonas respiren un aire limñiu y na que los rapacines y mozos nun s’ ainicien nesti vezu.
Daniel Fernández, Diplomáu n’ Enfermería y Llicenciáu n’ Antropoloxía social ia cultural. Douturandu pula Universidá de Lïón, ta faciendu las suas investigaciones na estaya' l tabaquismu. Fou redautor xefe da sección de Salú del selmanariu La Nuesa Tierra
